أمد/ القاهرة: قالت الإعلامية لميس الحديدى، أن الرئيس عبد الفتاح السيسى أجرى اتصالًا هاتفيًا بزوجها الإعلامى عمرو أديب، للاطمئنان على صحته، بعد تعرضه لوعكة صحية وإجرائه عملية فى القلب، وتابعت:" الرئاسة اتصلت بينا وأنا كنت قاعدة جنبه والرئيس بنفسه كلمه وعمرو رد عليه، وأضافت الحديدى، قائلة:" الرئيس قال له ".. يلا يا عمرو أنزل علشان ترجع تانى تقود العمل الإعلامى (ما تدلعش).. وأنا وعمرو كنا سعداء بهذه المكالمة"، مشددة على أن مكالمة الرئيس عبد الفتاح السيسى رفعت من معنويات عمرو أديب.

" قائلة: "أشكر الرئيس لأنه أتصل بعمرو هاتفيًا، وعمرو قال له (كفاية إن حضرتك اهتميت واتصلت بيا)، والحقيقة كانت مكالمة مؤثرة جدًا».

واستطردت "الحديدى"، قائلة: "مصر كلها كانت عندنا الوزير خالد عبد الغفار كان عندنا كل الوزراء.. ودى صدقات العمر مش مجرد قعدات عادية".

وأكدت لميس الحديدى، على أن عمرو أديب بخير ويحتاج لوقت بسيط للتمايل للشفاء، مضيفة: "أنا سعيدة بكل الناس اللى بتسأل عليه وعلشان الدنيا تهدا أنا بطمن الدنيا عليه.. عمرو أجهد نفسه خلال الشهور الستة الماضية وهو بيقوم محطة كاملة وبرنامج مهم.. وعمرو عندى أهم من هنا العاصمة وأى حاجة".

واعتذرت "لميس"، لجميع الصحفيين والزملاء الذين قاموا بالاتصال بها ولم تتمكن من الرد، وتابعت:" ووجوده داخل الرعاية المركزة مش علشان خطورة فى حالته ولكن للاستشفاء.. هو زى الفل بس الأطباء فضلوا وجوده بالرعاية علشان زحمة الزيارات.. هو كان عاوز ينزل الشغل بكرة ولكن إحنا عملنا عليه حصار والأطباء".

وشددت الحديدى، على أن زوجها عمرو أهم من تقديم برنامجها، وتابعت:" أنا بعتذر لجمهورى وبقول أنا هنكون ملازمة ليه ومش هقدر أقدم البرنامج بتاعى، لأن دورى كزوجة أهم فى هذه اللحظات من دورى كصحفية أو إعلامية.. وكمان أنا مش هكون مركزة".