الدكتور تبع لقاء "الجزيرة" اصدر اعتذارا يكشف سذاجته وكذبه في آن، ولولا غضب الطلبة وبيان الجامعة ما سيقود حرمانه من العمل لما اعتذر، لأنه تجاهل الإساءة للشعب الفلسطيني وممثله الوطني، هاي أصل الحكاية مسيو نشأت

هاجر

هاجر
  • شـارك:
محمد عاطف أبو عودة

 هاجر
هاجر واسمك اكتبه ب
كل الحروف
اكتبه ع جذع شجرة
ماتت من الخوف
ع جدار بيت مقصوف
اكتبه على عكاز سيدك
أصله من خشب زان أصلي
كل ما كبر بيحلى لون الحروف
اكتبه على جبين خطيب الجمعة
وقلة جمعتك يا شيخنا مباركة
مباركة على كلام
ما تغير من سنين
نفس الريحه ونفس اللون
حتى نبرة الصوت ثابته
لا بتعلى ولا بتوطى
وفي كل مرة أصبر يا صابر
م انت على أمرك مغلوب
خد كمان غلوب
بس يا اخي راعي الشعور
ما تركب توسانك
وتقول قوكم يا عرب
هي الطريق من هان
ولا من هان
وزيد الغلب غلوب
وإذا مش عاجبك هاجر
وما تحكي
انه البلد فيه حروب
البلد حلوه فيها
شروق وغروب
فيها بياع الكعك
فيها كاسة خروب
فيها عصير القصب
كل ما انعصرنا
بنشرب منه وبنزيد
فيها القهوة والارجيلة
واللمة الحلوة
الشلة والعيلة
هاجر
وما تسال بره
عن قرص الفلافل
ولا عن الكزبرة والزعتر
وريحة النابلسيه
ولا عن صحن العربية
هاجر
بس ما تنسى ..
اسمك
اكتبه على كتف إمك لتبوسه
كل ما قلبها صار عليك ملهوف

كلمات دالّة:

» اقرأ ايضاً

AMAD MEDIA   أمد للاعلام
  • فيس بوك
  • تويتر
  • ار ار اس
  • قوقل +
جميع الحقوق محفوظة لـ أمد للاعلام 2019 © AMAD.PS