عاشت حماس على مظلوميتها ومقاومتها كثيرا...ونجحت في استقطاب الكثيرين...لكنها اسقطت كثيرا جدا خلال أيام معدودة ما ربحته في سنوات عديدة...معقول طلع "حبل الكذب قصير"!
عــاجــل

سامحني يا وطني بدي أتزوج

سامحني يا وطني بدي أتزوج
  • شـارك:
كرم الشبطي

الثانية والثالثة والرابعة
ما أنا الوالي الحاكم عليكم
ليش مش فرحانين وبتنتقدوني
صدقوني على السرير بدي أقاوم
هيك بنقضي علي العنوسة وبنفرح
يا شعبنا طبل زغرد وارقص إلنا
راح نرفع الشعارات يوم عرسنا
ونطلق الرصاص في الهواء ونهدد
اياك يا محتل تقرب من غزة
صواريخنا جاهزة وبدنا نقصف
بس انتظرنا لما نخلص من دخلتنا
والا أقلك اطمن وانتظر لما نخلف
بكون نصرنا اجمل وبنعمل عيد ميلاد
وبنعزم الدول العربية والجامعة كلها
وبلاش يزعل منا حد وخلوها دعوة عامة
شو دخلكم يا فقراء وبتحسدونا ليش
حد قال الكم انه الزواج ممنوع
حلال وبدنا نستمتع قبل ما نموت
يحق لكل القيادات تتزوج كل يوم
وهيك بنكتر الأصوات ليوم الانتخابات
شكلهم ناوين والضغوطات كثرت علينا
سبقنا الامور بعد التخطيط والتكثيف
حل شرعي ومرضي للجميع وهيك بنحكم
وكيف ما احنا ماسكين زمام الامور
بنفرض ضرائب وبدنا نغلي المهور
يجعلكوا ما تدخنوا ولا توكلوا
المهم نفضل قدام العالم مقاومين
شو يعني عشرة سنين وتلحق عشرين
احنا بندعي نتحرر ومكتوب علينا نتغندر
حد فيكم بقدر يرفع صوت ويقول لااااااا
وعلى عينك يا تاجر بدنا عشرين مليون دولار
خلي صلاح يفرح وطلال يتحزم ويهز وسط المزهرية
اللواء رغبته قوية وحالف يمين يخليها آمنة
عقبال عند صفية وفتحية وخيرية وهنية والامة الاسلامية
ربنا يكتر الافراح ويخلي الناس تعيش في رغد وثبات
ما تنسوا تباركوا وخلوا قلوبكم في المحبة عامرة
سامحني يا وطني بدي أتزوج

» اقرأ ايضاً

AMAD MEDIA   أمد للاعلام
  • فيس بوك
  • تويتر
  • ار ار اس
  • قوقل +
جميع الحقوق محفوظة لـ أمد للاعلام 2019 © AMAD.PS