حكاية قبل النوم

تابعنا على:   23:46 2019-09-25

كرم الشبطي

أمد/ لما كنا صغار وكان البيت قرميدي جميل رغم تلوث الجدران والبقع في كل مكان والفقر يخرج
من عيون الاطفال وهي تصرخ من الحرمان وكثرة الامراض كان يحتوينا دفء وحنان ويسكن القلب
والوجدان ونبتسم ونضحك ونفرح علي خيبات بعضنا عبر اللعب في قنوات المخيم والصراخ علينا
ابعد وتعال استحم وهنا تاخدنا الذكريات للحنين والاشواق للام والاب والجد وكل جلسات الاخوة
في البيت وخارجه على المصطبة ونحن نشرب الشاي من البراد الكبير جدا وكان يعد كل صباح
وللفطور والعشاء والأصدقاء وعجايز الحارة في كل مخيم تحكي وتروي قصص وروايات البلاد
في فلسطين وعبر الاحداث وكيف هجرنا واخدوها اليهود منا وكبرنا علي ارث كبير كله خذلان
ويأس من العرب والكون والكل يريد ان نصمت بعد الكذب والوعود وصدقنا ونصبنا الخيمة يا اولاد
وطولنا وبعدها اصبحنا نعمر ونطور المخيم والوكالة تساعدنا وتقدم طحين وسردين وكرت التموين
صار رقمنا وينادوا علينا لاجئين ومن يومها والدموع في عيون المحتاجين وكانت تختلط مشاعرنا
نضحك ولا نبكي ولا شو نعمل في الي صار النا وهي كل حكاية اطفال حلوين تربوا علي هيك سمع
وصاروا رجال فيما بعد واتغير الحال وصار الكل يبحث عن عمل ومافي غير عدونا معه فلوس
وببني وبعمر مكان ما كنا احنا وبيوم من الايام هب شعبنا مرة واحدة بعد ما قتلوا عمالنا
ودهسوهم وما في غير الحجر النا نعبر فيه عن آلامنا بعد ما شربنا النكبة وبعدها طعمونا النكسة
واتشتتنا في كل بلاد العالم ومرة نقاوم من هون ومرة من هناك من الاردن للبنان لمصر لسوريا
وكانوا يسمونها مقاومة وهذه ثورة فلسطينية والعالم لازم يساندنا فيها لنرجع حقوقنا المنسية
وما حققنا شي غير ربنا بعت بانتفاضة شعبية بعد الحادث المرير لعمال غزة واتطورت نهضة شعبنا
وعشنا ايام وسنوات منع تجوال واصابات وشهداء واعتقالات وبدت الاحزاب والفصائل تدخل سلاح وتنظم
اضرابات والاشبال تحملوا المسؤولية وصاروا يحكموا ويلبسوا قناع والكل يعمل الهم حساب لعند ما
صار اتفاق وسموه اوسلو وبعدها دخلت القوات واتغير كل حال وكله صار يبحث عن رتب وتقييمات والكل
فرحان في عهد ابو عمار واخيرا وصل والناس شافته وحضنته وبعدها انتقل للضفة واستشهد هناك
في رام الله بعد ما سمموه ودفنوه بعد رحلة علاج فشلت في انقاذه ومن انتخابات اتغير الحال اكثر
وبعدها انقسمنا وصارت غزة لوحدها والضفة لوحدها وهي مصيبتنا الكبرى وبسموها انقسام وعدت
من جديد وسنوات وما في شيء اتغير غير انه الناس بتتعذب وبتنتحر وكل واحد عنده رأي وبقول هي
مخرج وهي متنفس بعد حروب وويلات ولليوم بنسمع انه في مبادرات وذكروني بوعود عودتنا لما اسمعناها
من ختياريتنا وضحكوا عليهم كيف ما كانوا يقولوا النا بكل بساطة وعفوية ودون اي مجاملة ولا رتابة
كانوا بسطاء جدا وطيبين مثل كل بيت كان بيوم مفتوح للجميع وما كان يفرق بين هذا وهذا ويا وكستنا
بكل هكذا وهكذا والكل بيسال متي بدنا نتخلص من هيك ازمة الي ولدت مليون ازمة ومن الكهرباء
للمية للبطالة وضاعت اجيال مسكينة مش لاقية نومة هنية ولا دجاجة تدخل بيتهم وصار الكل بسره
يسمونهم الحرمية سرقوا العدالة واحتفظوا فيها في كروشهم الكبيرة ومرة بيحتفلوا ومرة بسرقوا
منحة الشهداء والسلة كلها فاسدة مثل ما الاسواق الخالية وما فيها غير ناس ووجوه عابسة وتاهت
بوصلتنا واغرقنا في كل نذالة بسبب حالة ميؤوس منها وملونة بكل الالوان الطبيعة وما تقول غير قوس
قزح بيلعب معنا وبدرسنا كيف ممكن انغير ونخدع كل الأمة من اجل كرسي وحكم وسيارة ورفاهية
واتحدث يا شيطان الحرية مين السبب ومين الي باع القضية من غير ثمن هجرونا الاحباب وصاروا
يرحلوا ويموتوا والكل بردد قرفان وزهقان من يوم ما انولدت من هالعيشة وطز بلحق طز لما
صارت كلها العالم مطيزة النا وبطلت تسمعنا ومعلش لازم نحكي بكل صراحة وما نكذب علي الناس
بقصصنا ورواياتنا الخيالية والكل بدس فيها سم العن مليون مرة من سم دسوه لرمز قضيتنا
والعدو دارس وبيعرف كيف يمشينا ويرقصنا بشعارات رنانة ومثل ما بقول المثل معقول غزة صارت
عندها طيارات وصواريخ وبتهدد وبتقول بدنا نعد للتحرير والله كلام زين ومين يسمع ويصدق طيب ليش
مافيه مقاومة حقيقية وخلق حالة اشتباك حقيقي ليدفع العدو ثمن كل جريمة ولا بطلت تفرق القدس معنا
وما عاد بدنا فلسطين غير لشعار يخلينا نحكم باريحية والكل بدعمنا وينحرق شعبنا ما هو ساكت
وصامت ومش قادر يصرخ بكلمة حق ثورية وبيني وبينكم الخوف صار مرعب والكل ما بده يتبهدل من الاجهزة
الامنية وما هو هيك العرب وكل تكلفتهم رايحة وباكبر ميزانية لخدمة الامن الي بوفروه لانفسهم طبعا
مش لشعبنا ولا لحرية انسان وهذه كلها شعارات وكلام بردده شعراء وادباء وكتاب ومين بحترمهم اليوم
بتحولوا مجانين او بفتحوا كشك يبيعوا فيه دخان وقهوة وشكلكم انعستم وما بدي اكمل الحكاية ولا
القصة ويمكن بيوم نعيدها بكل تفاصيلها ونقدمها بكتاب بس يا مين يقرأ ولا مين مستعد يشتري ورق
وفي بيته مش لاقي يطعمي البشر وحتي اوراق العنب بدها مصاري والناس مفلسة من كل شيء ومن كل ادب
فقدوه بسبب العلة وقلوبهم حسرة ومنيلة بستين نيلة وفي البلدي بدنا نكتب ونرقص ونغني لهيك وطن
وتصبحوا علي امل مشرق يمكن يعيد توازنا وهذا متروك للقدر فقط ويحتاج لعمر جديد واجيال جديدة
نزرع فيها الخير والحقيقة لنتحرر من كل قيود الجهل والعبودية

كلمات دلالية

اخر الأخبار