صناعه الوهم

تابعنا على:   06:43 2020-11-13

حسن النويهي

أمد/ صناعه الوهم
وتبديد الوقت
ورجعت حليمه لحالتها القديمه
وكانك يا ابو زيد ما غزيت...
قبل العيد وقبل النتائج ومن الفرحه وقبل ما حدا يسبقنا ومشان نحصل علي الرضا والقبول وتقديم اوراق الاعتماد اعدنا التنسيق الامني علنا وهو لم ينقطع سرا بكل تاكيد... وعلي عينك يا تاجر بادرت السلطه الا القول انها تسارع في اعاده التنسيق الامني لإظهار حسن النويا.. بدهاش اظهار ولا اثبات نواياكوا احسن من هيك ما في...
وتلقفها غينتس الشريك في الائتلاف الحكومي مع نتنياهو وقال تعالوا ما تضيعوا الوقت تعالوا الي المفاوضات اي مفاوضات وعلي شو بس الله بيعلم... اما ارشيف المفاوضات المتنقل رحمه الله...
تعالوا الي المفاوضات و لم يسال ابو ردينه وبلهفه العاشق قال جايين يا حبيبي جاهزين انت بس اعمل الشاي... مسافه السكه النا الشرف...
ولاثبات حسن النوايا تجهز إسرائيل مصاري السلطه لتسليمها والسلطه لن تسال شو اقتطعتوا ولا شو ظايل علي اساس جيبه وحده وما في بين الخيرين حساب... مش مستاهله...
وهكذا عدنا والعود احمد الي الطاوله بعد غياب ٤ سنين جرت فيها مياه كثيره
ضاعت فيها القدس
المستوطنات والضم لم يهدا
التطبيع علي ودنه واصبح من الماضي
طيب علي شو بدنا نتفاوض ام انه الشوق؟؟؟

اخر الأخبار